Ispilua

Gipuzkoako SOS Arrazakeria 2022ko martxotik RESISTIRÉ Europako Proiektuaren esparruan gauzatzen ari den Allied Employers proiektu pilotuaren prozesutik sortu da Ispilua erakusketa. Proiektu horrek Covid-19aren pandemiak eragindako genero desberdintasunak murriztea du helburu, 30 hilabeteko ikerketa proiektu baten bidez.

Allied employers ekimenak Gipuzkoako etxeetako zainketen kudeaketaren inguruan dauden munduak eta errealitateak bateratu nahi ditu, bi aldeen beharrak identifikatzeko eta proposamen bateratuak egiteko (familiak, elkarteak eta etxeko eta zaintzako langileak).

Hiru fase ditu:

1. Langileen eta enplegatzaileen arteko elkarrizketa-guneak eraikitzea.
2. Zainketen inguruko eragina tokiko erakundeetan.
3. Zaintzari buruzko sentsibilizazioa eta eragina herritar guztiengan.

Eta azken fase horretan, biztanleria osoarengan sentsibilizatzeko eta eragiteko fasean, kokatzen da proiektu fotografiko hau, zeinari lehenengo fasean izandako prozesuaren ondoren Ispilua izena jartzea erabaki den.

Ispiluak enpatia, erreflexua eta begirada introspektiboa adierazi nahi ditu pertsona guztiak zeharkatzen dituen errealitate batean, premia batean, adina, generoa, jatorria, maila sozioekonomikoa edo kokapen geografikoa edozein dela ere.

Ideia Allied Employersen lehen fasean bizi izandako prozesutik sortu da. Fase horretan, enpatia eta elkar entzuteko ariketa batetik, mendeko pertsonen familiek bizi dituzten egoerak eta bizipenak identifikatzen, azaltzen eta aitortzen lan egin da, bai mendeko pertsonen elkarteek eta etxeko eta zaintzako langileek beren senitartekoa zaintzeko etxeko langile bat modu pribatuan kontratatzen dutenean.

Epea: 2024ko Abenduaren 16tik 30era.

Erakusketaren aurkezpena eta dokuforuma: Abenduak 18, asteazkena.