Udalak 509.900 euro inbertituko ditu 2024an herriko merkataritza sustatzeko
Argazkian, Jon Iraola, Eibarko alkatea, Vanesa Hortas, Garapen Ekonomiko, Enplegu eta Berrikuntzako zinegotzia eta herriko dendarien ordezkariak.
Udalak tokiko merkataritzaren aldeko apustu sendoa egin du Eibarko gizarte- eta ekonomia-sarea indartzeko.
Eibarko merkataritza-sarea indartzeko eta dinamizatzeko ahaleginean, Udalak baliabide garrantzitsuak esleitu ditu aurten, herriko dendei, zerbitzuei eta ostalaritzari laguntzeko.
Inbertsio nagusietako bat Dendarien Elkartearentzat da: 25.000 euroko dirulaguntza esleitu zaio aurten. Zenbateko hori hainbat sustapen-jarduera gauzatzeko erabiliko dira, hala nola erosketa-ibilbidea, zinema-sarreretarako deskontuak, saltokietan erosketak egiteagatik doan aparkatzea; hori guztia, tokiko kontsumoa eta udalerriko establezimenduekin elkarrekintza sustatzeko diseinatutako beste ekimen batzuekin uztartuta.
Bestalde, Udalak, Merkataritzagune Irekia (ECCA) elkartearen —merkataritza eta ostalaritzako toki-entitatea— bazkide den aldetik, udalerriko merkataritzaren, zerbitzuen eta ostalaritzaren alde lan egiten duten tokiko eragile guztiak biltzen dituen erakunde horrekiko apustu irmoari eta konpromisoari eusten dio. Ildo horretan, kide izateagatik ordaintzen duen urteko 36.000 euroko kuotaz gain, hainbat dirulaguntza onartu dira; guztira, 199.900 euro. Horien artean daude enpresa-prestakuntzarako funtsak, merkataritza- eta ostalaritza-bonuak, bai eta merkataritza-sustapeneko kanpaina berriak abian jartzea ere, ekainaren 19an Elkarteak egindako azken batzarrean adostutakoaren arabera.
Garapen ekonomiko Vanesa Hortas zinegotziaren hitzetan, “merkataritza bereziki garrantzitsua da; izan ere, ekonomian eta enpleguan ez ezik, udalerriko bizitzan eta zerbitzuetan ere eragiten du. Merkataritzarik gabe, Eibar ez litzateke den bezalakoa izango. Azpimarratzekoa da Eibarko merkataritza berezia eta desberdina dela, arreta pertsonalizatua eskaintzen duela, eta hori da, hain zuzen ere, tokiko eragileekin egiten ditugun kolaborazioen bidez balioan jarri eta ikusarazi nahi duguna. Merkataritza indartsua duen hiri eredu baten alde egiten dugu. Horregatik, gure lan ildo nagusia sustapenean eta dinamizazioan oinarritzen da. Eibarko Udalak denda txikiei lagunduko die, besteengandik bereizteko eta indartzeko egiten duten ahalegin horretan lagunduko die.”
Arlo digitalean, 30.000 euroko partida espezifiko bat esleitu da www.erosieibarren.eus plataforma tokiko merkataritzaren, zerbitzuen eta ostalaritzaren erreferentziazko atari nagusi gisa finkatzeko. Ekimen horren helburua da kontsumitzaileen eta negozioen arteko lotura erraztea, gida eguneratu baten eta sare sozialetako sustapen-kanpainen bidez; eta, katalogo digitalean, zerbitzu berriak sartzea.
Gainera, Gabonei begira, 60.000 euroko aurrekontua bideratu da Eibarko auzoetan eta merkataritza-gune nagusietan argi apaingarriak jartzeko. Inbertsio horrek, hiria edertzeaz gain, urte amaierako ospakizunetan egoiliarrak eta bisitariak erakarriko dituen jai giroa sustatzea du helburu.
Azkenik, Eibarko familien hezkuntzarekiko eta ongizatearekiko konpromisoaren barruan, Udalak 271.000 euro gorde ditu Umeak Eskolara eta Laguntzak Ikasleentzat ekimenetarako. Horren barruan, 60,10 euroko bonu bat dago ikasle bakoitzeko, irailean, eskoletara itzultzen direnean, tokiko saltokietan gastatzeko.
Laburbilduz, 509.900 euroko inbertsioarekin, Eibarko Udalak, udalerriko eragile guztiekin elkarlanean arituta, berretsi egiten du tokiko garapen ekonomikoarekin eta merkataritza oparo eta jasangarri baten sustapenarekin duen konpromisoa.
Ekimen hauen helburua ez da soilik merkataritza sektorea suspertzea, baizik eta Eibarko herritarren bizi-kalitatea hobetzea ere, tokiko enpresa-sarearekin koordinatutako ekintza zehatz eta jakinen bidez.