Kirol instalazioetako atezaina

Lanpostuaren deskribapena:

1. Udal-instalazioak zaintzea, sarrerak eta irteerak kontrolatuz, errondak eginez, segurtasun-gailuak konprobatuz, monitoreak zainduz eta ateak eta leihoak itxiko direla ziurtatuz.

2. Instalazioen irekiera eta itxiera kontrolatzea: argiak, ateak, berogailuak, ordenagailuak, etab.

3. Aretoetako eta aldageletako giltzak ematea eta kontrolatzea.

4. Zerbitzuaren erabiltzaileei arreta ematea, atezainen eskumenekoak diren zalantzak eta kontsultak argituz.

5. Kirol-azpiegituretan oinarrizko mantentze-lanak egitea, eta, beharrezkoa denean, abisua bidaltzea zerbitzu tekniko espezializatuei.

6. Gasolio-mailak, tenperatura eta ur-kontsumoa neurtzea.

7. Pisten alokairuak eta bazkide ez direnentzako sarrerak apuntatu eta kobratzea.

8. Udako denboraldian kutxa ixtea (kanpoko igerilekuak).

9. Bazkide berrien altak izapidetzea, dokumentazioa jasota eta bazkideen programa informatikoan haien datuak sartuta.

10. Bazkide-txartelak egitea.

11. Gidatutako jarduera-ikastaroen altak eta bajak kudeatzea.

12. Instalazioen garbiketa antolatzea aste buruetara begira, egiten diren partidak kontuan hartuta.

13. Kirol-instalazioak egokitzea eta prestatzea jarduerak eta ekitaldiak garatzeko.

14. Igerilekuaren kanpoaldean pintura-lanak egitea.

15. Fotokopiagailu, fax, eskaner, koadernagailu,  paper-birringailu eta ordenagailuen oinarrizko erabilera.

16. Atezain ordezkapenak egitea, arloko teknikariek hala eskatuta.

17. Kirol-klubek erabili beharreko materiala, ekipoak eta bestelako tresnak mugitzea.

18. Dokumentazioa, gutunak, paketeak, eskaerak, kexak eta abar jasotzea eta banatzea.

19. Erregelamendua eta arau orokorrak errespetatzen direla egiaztatzea.

20. Kirol-materiala kontrolatzea eta erregistratzea.

21. Kiroldegiko zerbitzu guztien funtzionamendu egokia kontrolatzea, bai eta bere ardurapekoak diren Udalak agindutako zerbitzu guztiak ere, Udal honi edozein anomaliaren berri emanez.

22. Kontratatutako lanbide-gaitasunari dagokion beste edozein zeregin egitea, baldin eta horretarako aldez aurretik trebatuta badago.

Ezinbesteko baldintzak:

• Euskara maila: B2 (IVAPeko 2.HE, edo  baliokidea)
• Eskola ziurtagiria

Baloratu beharreko baldintzak:

• Behin curriculumak jasota, esperientziaren eta formazioaren bidez baloratuko dira.

Kontratu-mota:  baja ordezkapena, eta lanera itzultzen denean oporrak betetzea (goizez eta arratsaldez)

Lanpostu kopurua: lanpostu 1